أكيد كلكم شفتو هالفاونديشن كيف ضرب من أول ما طلع .. يستاهل السمعة؟ طببععاااًً 😍

برضو معتمد على تقنية microfluidic technology اللي تفصل الصبغة عن المواد المغذية في المنتج إلى وقت الاستخدام واللي بدعت Chanel فيها

تركيبته جداً خفيفة ومرطبة تتكون من الموية بنسبة 60% وخلاصة الياسمين ..

مو طبيعي كيف إحساسه على البشرة من أول ما تحطيه تحسي بالترطيب وبغض النظر عن اللون لأنه فاونديشن لكنه يعطي نضارة حلوة للوجه ..

تغطيته خفيفة إلى متوسطة بأقصى حد .. ويجلس لفترة جداً طويلة ومفعول النضارة يظل مستمر معاكي ومستحيل تحسي إنك حاطة شي على وجهك .. عشان كذه أشوفه رائع للاستخدام اليومي ..

بحسب موقعهم تحطيه على يدك وتخلطيه بالفرشة اللي تجي معاه بعدين تحطيه على الوجه بفرشة الفاونديشن .. لكن أنا ما ناسبتني هذي الطريقة .. أحطه على وجهي على طول وأخلطه وأوزعه في نفس الوقت ..

من تجربتي أحس ما تقدري تحطي أكثر من طبقتين .. لو ما عجبتك التغطيه استخدمي كونسيلر قبله .. أهم شي لما تستعمليه إن بشرتك تكون طبيعي أو أقرب للجافة .. لا تكون مترطبة بشكل زايد عن اللزوم لأنه ماراح يثبت على البشرة

موجود في دبنهامز وفي سيلفرجدز

إذا جربتيه يهمني أسمع رأيك ! 😍