من الأشياء الملفتة للنظر في استراليا إنك لما تكون مع أي شخص أسترالي أول ما تزين الجلسة يطلع على الكريم ويدهن شفايفه!

لفترة طويلة ماجاني فضول حتى أسألهم إيش يسوي وليش كلكم تستخدموه؟ وكنت اعتقد إنهم يستعملوه لأنهم ما يعرفوا إلا منتجاتهم المحلية!

وطحت فيه بالصدفة .. وفهمت السر .. لو جربتوه مستحيل تقتنعوا بأي مرطب شفايف غيره 😍

يتكون من ثمرة الپاپايا اللي يتم تخميرها بطريقة معينة عشان تعطي أفضل درجة من الترطيب بالإضافة إلى الڤازلين ..

لكن لا تتصورو أبداً إنه زي الڤازلين .. الڤازلين يكون طبقة حماية فقط على الجلد بدون ترطيب فعلي ..

هذا المرهم قوامه ثقيل لكنه يذوب بسرعة وتحسي فيه يدخل في جلدك مو بس يكون طبقة عازلة .. عشان كذه يستخدم لكل مشاكل جفاف الجلد والإكزيما مو بس للشفايف .. حرفيا يرطب كل شي حتى الجفاف العاطفي 😂

أنا استخدمه بشكل رئيسي للشفايف لأنه أكثر منتج يقدر يرطبها من جوه .. ما لقيت ولا مرطب يوصل لنفس المستوى من الترطيب

يمكن فيه البعض يحس إنه ثقيل .. لكن لو استخدمتي كمية جداً بسيطة ماراح تحسيه يضايق وبرضو راح تلاقي نتيجة روعة

تلاقوه في أمازون الأمريكي وبرضو الصيدلية الأسترالية Chemist Warehouse

إذا جربتيه يهمني أسمع رأيك ! 😍