في المجمل واقيات الشمس زي الأدوية نستعملها وإحنا مو مبسوطين .. ريحتها بايخة .. ملمسها غريب .. غالباً تترك طبقة بيضاء .. بس مضطرين لها إيش نسوي

ولأن الصيف دخل الكل راح يبدأ رحلة البحث عن السن بلوك المناسب .. وباعتقادي هذا واحد من الخيارات التوب الموجود في الماركت ..

عبارة عن لوشن سائل يتكون من خلاصة الصبار والبازلا وعشبة السنا ..

ريحته جداً جميلة تحمس إنك تبخيه وفيه عامل ترطيب قوي تحسي فيه .. أغلب السن بلوك تكون طبقة حماية فوق الجلد فقط .. وأحلى حاجة إنه شفاف ما يترك أي طبقة بيضاء على الجلد .. وعامل الحماية من الشمس فيه 50+ وهذا يخليه خيار جدا ممتاز لشمسنا الملتهبة 🔥

لازم ترجيه قبل الاستعمال .. تبخيه على الجسم قبل التعرض للشمس بـ 15 دقيقة وتكرري استخدامه كل ساعتين أو بعد ما تتعرضي للموية..

ينفع بشكل رئيسي للجسم لأنه يترك طبقة دهنية .. لكن ممكن تستعمليه للوجه لو بشرتك جافة أو عادية

عيبه إنه مو ضد الموية .. ممكن ما يكون أنسب خيار للسباحة .. وممكن تستخدميه وترجعي تحطيه بعد السباحة مباشرة لو ماراح تطولي في الموية ..

موجود في موقعهم وفي محلهم

إذا جربتيه يهمني أسمع رأيك! 😍