أنا من عرفت نفسي وأنا حريصة على كريمات العين واستخدمها باستمرار بالرغم إني ما أحس إنها تسوي شيء 😅

فعلياً كانت أول مرة في حياتي أحس فيها إنه كريم العين ممكن يعطي تأثير لما استخدمت هذا الكريم!

من وجهة نظري Charlotte Tilbury من البراندات اللي بالفعل متعوب عليها ..وأي شي تسويه تحط فيه كل طاقتها عشان يعطي أفضل نتيجة .. عشان كذه مو مستغرب لما تسوي ريم عين يكون من أحس المنتجات الموجودة في الماركت ودايما على قائمة الـ Must Haves

قوامه مو خفيف ولا ثقيل .. وتقدري تستخدميه في الليل والنهار ..

يدخل في تركيبته كل شي تحتاجه منطقة العين .. ڤايتامين A & E & C للتغذية .. وزيت جوز الهند وزبدة الشيا للترطيب .. والريتينول عشان يحافظ على حيوية ونضارة الجلد ..

الحلو فيه إنه يشتغل على كل المشاكل اللي عادة تجي في منطقة العين .. وأنا لمست الفرق بشكل ملحوظ .. أتوقع غالباً إن السبب تركيبته اللي تخلي الريتينول يمتد مفعوله على وقت طويل .. “TIME-RELEASED RETINOL MOLECULES”

كنت أتمنى لو فيه عامل حماية من الشمس .. بس عاد الزين ما يكمل

موجود في سيلفريدجز وأمازون .. وندعي في هالأيام إنهم يفتحوا فرع عندنا 🥺

إذا جربتيه يهمني أسمع رأيك! 😍