سلسلة 30 منتج في 30 يوم ماراح تكون كاملة لو ما نزلت ريڤيو عن الـ SKINPOWER Cream ..

البراند ياباني وللأسف مو موجود عندنا مع إنه متوفر في كل دول العالم

هذا الكريم هو المعتمد عندي للوجه .. أجرب أشياء ثانية لكن مستحيل ما يكون موجود على التسريحة ودايماً على قائمة الشوبينغ في أي رحلة

يتكون من خمائر طبيعية وقوامه أخف من الكريم وأثقل من اللوشن فيعطي ترطيب معتدل للبشرة..

أحبه لأنه يعطي تأثير فوري على الوجه .. ومن أول ما أحطه أحس بشرتي تنطلق فيها الحياة وتحسي إنها رويانة ومترطبة .. عشان كذه أتوقع إنهم حاطين فيه شوية حب 🥹💕 .. الإحساس اللي يعطيه لبشرتي ما قد حسيته مع أي كريم ثاني

عيبه الوحيد إنه مافيه عامل حماية من الشمس وهذا يضطرك تستخدمي واقي شمس إذا كنتي تستعمليه كـ كريم للنهار

أشتريه عادة لما أسافر بس قد طلبته من نت أبورتيه ومن سيلفريدجز.. لكن حالياً مالقيه إلا في موقع Revolve

إذا جربتيه يهمني أسمع رأيك! 😍