ترطيب سريع
أول شي .. عشان أسهل عليكم الحياة الماسك إسمه شوان وين وا .. وبالرغم من إني أستعمله من زمان لكن عجزت أحفظ إسمه
اللي يعرفني يعرف إن الموضوع لما يتعلق بالشعر فأنا دايما في صف المنتجات العضوية .. يمكن لأن دايما نتيجتها أفضل على شعري .. عشان كذه أحب كثير منتجات لش للشعر
هذا الماسك فيه كل المكونات اللي ترطب الشعر .. زيت زيتون .. موز ،، أڤوكادو .. وبروتين البيض .. أقوى تركيبة في العالم
ريحته مقبولة مقارنة بكثير من منتجات لش والأهم إنه بعد الشاور ما يترك ريحة في الشعر
أحبه لأنه يعطي نتيجة سريعة في الترطيب تحسي فبها على طول بعد ما تغسليه فاستخدمه لما أحتاج ترطيب عالي في وقت قصير .. وكمان صرت أستخدمه أكثر لما رجعت أصبغ شعري لأنه مو زيت فما يخرب لون الشعر
مشكلته إنه ثقيل فتحتاجي كمية كبيرة نسبياً على حسب طول وكثافة شعرك .. عشان كذه أنا أخففه بزيت اللوز الحلو -زيتي المفضل- فيصير توزيعه على الشعر أسهل
العلبة يجي منها حجمين مختلفة .. بس أهم شي لازم يجلس في الثلاجة إذا الجو حر .. ولازم تستعمليه خلال شهر ونص عشان تستفيدي منه
موجود في محلهم وبرضو عندهم ستور سعودي أون لاين
إذا جربتيه يهمني أسمع رأيك! 😍
.