أتوقع مؤخراً مافي أحد مننا ما جرب على الأقل منتج واحد من المنتجات اللي تشتغل على تكثيف الشعر و تطويله .. لأن الماركت صار فجأة مليان برودكتس من هذا النوع/p>

أنا عمري ما فكرت أجربها مع إني أشوف الريڤيوز على منتجات كثيرة أثبتت إنها فعالة .. لكن لسبب ما ما كان عندي قناعة بالموضوع وأحس إن النتايج اللي الناس شايفتها عبارة Placebo Effect ..

طلبت هذا السيروم بالصدفة مع كم شي من The Ordinary كنت أبغى أجرب البراند .. وقعد عندي فترة قبل ما أجربه .. لأني بديت بمنتجات البشرة وكلها ما عجبتني فاقتنعت زيادة إنه ماراح يسوي شي

مدري ليش في يوم فجأة قررت استعمله لأني جايبة ثلاث علب 😅 وللأمانة التزمت عليه بشكل يومي قبل النوم ..

المفاجأة كانت إنه سوى فرق!! يعني أنا قاعدة استخدمه بدون أي توقعات ومن مبدأ إنه إذا مافاد ماراح يضر .. لكن طلع العكس!

فجأة البيبي هير قاعد يطول ويكثر وأنا قاعدة أحاول أدور أي سبب ثاني بس مافي .. السيروم هذا بالفعل يشتغل .. ولاحظت االفرق حتى على حواجبي لأن استعمله عليها

قوامه خفيف مو زيتي ثقيل .. فيه ريحة نوعا ما بايخة بس أتوقع اللي ما عندهم حساسية من الروائح ماراح يدققوا على الموضوع

مشكلته إن الالتزام اليومي يضطرك تغسلي شعرك كل يوم .. أنا متعودة على الغسيل اليومي بس أعرف كثير ما يقدروا عليه .. وشفت ريڤيوز ما يحطوه كل يوم وبرضو اشتغل معاهم ..

أهم شيء إذا تبغي تجربيه سوي Patch Test واتأكدي إنه ما يسبب لك حكة

أخذته من آسوس وموجود في أغلب المواقع

إذا جربتيه يهمني أسمع رأيك! 😍