الباليت هذا من أقدم المنتجات في العالم .. بس عايش إلى الآن لأنه من أفضل منتجات KVD

يمكن لو كنتي بروفيشنال في الميكب تحسي إنه فيه خيارات أفضل وأوسع .. لكن للناس اللي استخدامهم عادي هذا الباليت is a must have

الحلو فيه إنه يجمع الكونتور والهايلايت في باليت واحد وهذا الشي يسهل الحياة .. ويعطيكي 3 درجات من الهايلايت و 3 درجات من الكونتر .. وبكذه صار عندك خيارات واسعة لأنك تقدري تخلطي الألوان بالطريقة الأنسب لك .. لكن بالمجمل ألوانه جدا ممتازة وتغطي أغلب البشرات والأندرتون البارد والدافي ..

وهذا يريحك بدل ما تشتري أكثر من منتج وتدخلي في دوامة اختيار الألوان .. وطبعا فكرة الباليت للأبد أريح في السفر والتنقل

الكوالتي حقت البودرة أكثر من رائعة .. جداً جداً ناعمة وتندمج بسرعة ولونها مرة قوي

وبرضو حلو إنه يجي معاه شرح بالصور كل منطقة في الوجه وايش اللون اللي تستخدميه عليها وهذا حلو للناس اللي مرة مبتدئة

الماركت مافيه باليتات كثيرة من هذا النوع لكن المنافس الأقرب لهم حق Anastasia Beverly Hills بس هذا يتفوق عليه من ناحية جودة الباودر وكمية المنتج في العلبة

وعشان كل هالمميزات الرهيبة أشوف إنه من الأساسيات اللي لازم تكون عند كل وحدة .. لو كنت ما تسوي كنتور استخدميه كـ آي شادو وابدئي اتعلمي عليه .. ولو كنتي مبتدئة خيارات الألوان اللي فيه راح تساعدك تتدربي إلين ما تضبطي لعبة الكونتور .. ولو كنتي خبرة راح يعطيكي خيارات أوسع تناسبك في كل وقت

النوع الجديد منه -لسا ما نزل عندنا- تقدري تسوي فيه refill وهذا يعطيكي حرية التغيير في الألوان -مع إنهم ما نزلوا إلا لون واحد زيادة للكنتور-

متوفر في سيفورا وآسوس

إذا جربتيه يهمني أسمع رأيك! 😍