أتكلم عنه كثير وأمدحه في كل مكان .. الريڤيو هنا لتوثيق رأيي فقط لا أكثر 😎

خيار رائع للإستخدام اليومي أو للدوام إذا كنتي من الناس اللي تحبي التغطية الكاملة

يعني اتخيلوا كريم مصحح للون و يرطب ومضاد للشيخوخة و يحمي من الشمس وما يكتم البشرة وفوق هذا يعطي تغطية كاملة وتوحيد للون البشرة!

الفاونديشن هذا مطور من قبل أطباء تجميل ويحتوي على النياسين (فيتامين B) اللي يساعد في الحفاظ على مرونة البشرة و الهالورينيك أسيد ملك الترطيب ومضادات الأكسدة اللي تساعد في الحفاظ على البشرة و محاربة علامات التقدم في السن

قد يعيبه شيء واحد .. إنه يحتاج تثبيت بباود عشان تضمني ثباته على البشرة وقت أطول .. وطبعا يعتمد إذا استخدميه في النهار حطي له باودر خفيف .. أما إذا في الليل حطي طبقة أثقل ..

وإذا كنتي ما تحتاجي تغطية مرة قوية ممكن تخلطيه مع كريم البشرة عشان يعطي تغطية أخف ..

متوفر في سيفورا لكنه مغشوش .. وأصدقاء السناب تابعوا معاي قصة الغش كاملة (انتهت القصة إن محد اعطاني وجه من الجهات اللي اشتكيت عندهم 💔) فالأفضل تاخذوه من أمازون الأمريكي أو من موقعهم.. لكن أمازون سعره أرخص

إذا جربتيه يهمني أسمع رأيك ! 😍