ماسك طيني مقشر من L’Oréal Paris .. واحد من خياراتي المفضلة لما أكون أبغى أسوي تنظيف عميق لبشرتي

أكثر شي أحبه في هذا الماسك إنه متوفر في كل الصيدليات والسوبرماركتات الكبيرة .. و بسعر مناسب .. و جودته زي البراندات العالمية

يتكون من مسحوق بذور البرقوق والمشمش والطين المغربي بشكل أساسي .. ريحته مميزة وجميلة جداً كأنها ريحة هيل ..

أفضل شي استخدامه بعد الشاور تكون البشرة طرية .. طبعا ما ينفع استعماله على بشرة مبلولة .. ولا بشرة ناشفة لأنه ممكن يكون صعب توزيعه بحكم تركيبته الطينية .. وهذا ممكن عيبه الوحيد وخصوصا بعد فترة من فتح العلب .. وأتوقع اذا كنتي عايشة في منطقة الجو فيها رطب ما راح تعاني كثير من هالمشكلة ..

بعد ما تحطيه على البشرة تمسجيه بحركة دائرية و بعدين يترك على الوجه ١٥ – ٢٠ دقيقة و تغسليه .. و استمتعي ببشرة ناعمة و منورة 👌🏼✨

تقييمي له طبعاً 5/5

إذا جربتيه يهمني أسمع رأيك! 😍